მერაბ ლომინაძე  საერთაშორისო ბიზნესის პროფესიონალია, რომელსაც 20 წელზე მეტი გამოცდილება აქვს მრავალფეროვან, მულტიკულტურულ ბიზნეს ბაზრებსა და საჯარო სექტორში. მას აქვს მმართველ პოზიციებზე მუშაობის გამოცდილება, როგორც კერძო ასევე საჯარო სექტორში. მერაბი წამყვან პოზიციებს იკავებდა  ნამახვან ჰესის პროექტში (430 მეგავატი სიმძლავრის ჰესი), ჯორჯიან მანგანეზი ჯგუფში (მეტალის უდიდესი კომპანია და მეორე ჰიდროელექტროსადგური საქართველოში), ჯორჯიან უოთერ ენდ ფაუერი (წყალმომარაგების უმსხვილესი კომპანია და საქართველოში სიდიდით მეორე კაშხლიანი ჰესის მფლობელი) მადნეულში (ოქროს მომპოვებელი კომპანია).

​

მერაბ ლომინაძე საჯარო სექტორში მოღვაწეობის პერიოდში იკავებდა ხელმძღვანელ პოზიციას საქართველოს ეკონომიკის სამინისტროში. იგი, ასევე ხელმძღვანელობდა ეროვნულ საინვესტიციო სააგენტოსა და  საქართველოში საგარეო დიპლომატიური მისიის წარმომადგენლობას. მერაბ ლომინაძე ფლობს დოქტორის ხარისხს ეკონომიკურ მეცნიერებებში, მაგისტრის ხარისხს საჯარო ადმინისტრირებაში (MPA) და ხარისხს საერთაშორისო ბიზნეს სამართალში.

ეკა კიკაძე ენერჯი სოლუშენს 2019 წლიდან შემოუერთდა, იურისტის პოზიციაზე.

ამავე წლიდან, პარალელურად, მუშაობს იურისტად „ავსტრიან ჯორჯიან დეველოპმენტში“, რომელიც წარმოადგენს სამშენებლო-დეველოპერულ კომპანიას და განხორციელებული აქვს 16 მგვტ დადგმული სიმძლავრის ლახამი 1 და ლახამი 2 ჰესების პროექტი.

​

ეკა ასევე, გახლავთ „საქართველოს განახლებადი ენერგიების განვითარების ასოციაციისა“ და თრეიდინგ სოლუშენსის იურისტი.

​

2011-2019 წლებში, ეკა “დარიალი ენერჯი“-ში მუშაობდა. მისი საქმიანობა მოიცავდა კომპანიის იურიდიული საკითხების წარმართვასა და ზედამხედველობას. 2013-2019 წლებში კი, ეკა ამ ორგანიზაციის გარემოსდაცვით და სოციალურ დეპარტამენტსაც ზედამხედველობდა. სწორედ ამ პერიოდში მოიპოვა კომპანიამ ევროპის რეკონსტრუქციის და განვითარების ბანკისგან ვერცხლის ჯილდო, საუკეთესო გარემოსდაცვითი და სოციალური პრაქტიკისათვის (EBRD Sustainability Award 2017).

​

2017-2019 წლებში, იურიდიულ კონსულტაციას უწევდა „ონი კასკადს“.

ეკა კიკაძეს ჰიდროენერგეტიკულ პროექტებში იურისტად მუშაობის 10-წლიანი გამოცდილება აქვს.

​

2008 წელს, მიიღო ივანე ჯავახიშვილის სახელობის თბილისის სახელმწიფო უნივერსიტეტის სამართალმცოდნეობის ფაკულტეტის დიპლომი, 2011 წელს კი, კავკასიის უნივერსიტეტის სამართლის სკოლაში, სამოქალაქო სამართლის სპეციალიზაციით, მაგისტრის ხარისხი მოიპოვა. გარდა ამისა, 2018 წელს, გაიარა ჰარვარდის უნივერსიტეტის ონლაინ სწავლების სასერთიფიკატო კურსი სახელშეკრულებო ურთიერთობათა მიმართულებით.

​

ამავდროულად, 2013 წლიდან, საქართველოს ადვოკატთა ასოციაციის წევრია.